ملك أحمد زاهر تكشف عن وعكة صحية وتوجه رسالة للجمهور

تعرضت الفنانة ملك أحمد زاهر، لوعكة صحية، نقلت علي آثرها المستشفي، ولم تكن تلك المرة الأولى حيث خضعت لعملية استئصال المرارة فيما قبل.

ملك زاهر

تعرض ملك أحمد زاهر لوعكة صحية

وأضافت:" حبيت بس أقولكم أن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجاة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني باللي أنا فيه ده ونفسيتي وحشة اوي". 

وتابعت:"أنا بحكي الكلام ده عشان تعرفوا بس أن حياتي فيها الحلو والوحش والله زي اي حد بس أنا بحب دايما أشير الحلو بس وغالبا ده غلط، فقررت أشارككم كمان الوحش، ومع أن اللي بيحصلي دلوقتي أنا بحمد ربنا عليه وعارفة أنه بإذن الله هايكون حاجة بسيطة وأن شاء الله هاخف وکله هايكون تمام بس هو مخلي نفسيتي وحشة أوي حقيقي". 

واختتمت: "كل اللي بطلبه أنكم ما تحكموش على حد من السوشيال ميديا أو من ظهوره في أي حاجة لأنها بتوري بس يمكن 20% من حياته وأدعولي اخف بسرعة شكرًا". 

وفي سياق متصل، خضعت الفنانة ملك احمد زاهر على استئصال المرارة، وحرصا على طمأنة متابعيها، عبر حسابها بموقع التواصل الاجتماعي لتبادل الصور والفيديوهات "الانستجرام".

ونشرت مجموعة صور مع والدها الفنان أحمد زاهر ووالدتها وشقيقتها "ليلي" علي سرير المستشفي، وكتبت: "شكرا بجد بجدد لكل اللي سأل عليا اعرفو او لا و شكرا للي وقفوا جمبي اهلي و صحابي حبايبي ربنا يخليكو ليا و يديمكوا عليا نعمة يارب و يبعد عنكوا كل شر ، الحمد لله يارب انا احسن و العملية خلصت علي خير ادعولي بس الوجع يروح بقي و اخف بسرعة ، بحبكوا كلكوا قوي بجد".

وكتبت شقيقتها ليلي زاهر عبر حسابها بموقع "أنستجرام" :"حمدالله علي سلامتك يا حبيبتي بحبك قوي ربنا يخليكي ليا يارب انتي عارفة انا بحبك قد ايه ..شكراً لكل الناس الي سألتني علي ملك هي احسن الحمد الله ادعولها".